लोकप्रिय सर्जक सुन्दर हमालको शब्द रचनामा रहको मौलिक लोक तथा दोहोरी गीत ‘पारि ठूली भीर’सार्वजनिक भएको छ।

गायिका सिम्रन परियार र राजन कार्कीले गीतमा स्वर दिएका छन्। गीतमा राजन कार्कीको संगीत छ। नेपालीपनको आभाष दिने किसिमले गीतको निमार्ण गरिएको सुन्दर हमालले बताए।

गीत सार्वजनिक भएसँगै सामाजिक सञ्जालमा चर्चाको शिखरमा रहको छ।

मौलिक लोक लयमा आधारित गीतमा मायालु जोडीबीचको प्रेम र उत्सवलाई चित्रण गरिएको छ।

सन्जय राईको छायांकन, अमृत चापागाईंको सम्पादन तथा मनोहर भण्डारीको निर्देशन भिडियोमा रहेको छ।

मौलिक धारमा तयार पारिएको गीतको भिडियोमा बेगम नेपाली र स्मारिका ढकालको अभिनय देख्न सकिन्छ।

सुन्दरको यसअगाडि कहिले पुग्ला धन, बनको खयर, सईले, आउन मायालु, उखुम, दसैं गोजीमा हाले गीत चर्चामा रहेका थिए।