कला

सानो बजेटको ‘हनुमान’ले ३०० करोड कमाएर राख्यो नयाँ रेकर्ड

तेजा सज्जाको फिल्म ‘हनुमान’ रिलिज भएको एक महिना बितिसकेको छ। 

अचम्मत त यो छ कि यो फिल्मले बक्स अफिसमा अझै बलियो पकड राखेको छ र करोडौं कलेक्सन गरिरहेको छ। सानो बजेटमा बनेको यो चलचित्रले महेश बाबु अभिनित चलचित्र ‘गुंटुर करम’लगायत धेरै चलचित्रलाई बक्स अफिसमा पछि पारिरहेको छ।

ऋतिक रोशन स्टारर फिल्म ‘फाइटर’को अगाडि ‘हनुमान’को कमाइमा गिरावट आए पनि यो फिल्म बक्स अफिसमा झुक्न तयार देखिएको छैन। उसो भए आउनुहोस् जानौं,  ‘हनुमान’ ले रिलिजको २६ औं दिनमा कति करोड कमाएको छ? 

‘हनुमान’ एक तेलुगु सुपरहिरो फिल्म हो। यो चलचित्र यही संक्रान्तिमा हलमा रिलिज भएको हो। ‘हनुमान’ले दर्शकको राम्रो प्रतिक्रिया पाएको छ र यो सँगै फिल्मले बक्स अफिसमा ठूलो कलेक्सन गरेको छ। ‘हनुमान’ सिनेमाघरमा रिलिज भएको चार साता भइसकेको छ र यसले हरेक दिन करोडौंको कलेक्सन गरिरहेको छ।

फिल्मको कमाइको कुरा गर्दा ‘हनुमान’ले पहिलो हप्तामा ८९.८ करोड कमाएको थियो। दोस्रो हप्तामा ‘हनुमान’ले ६०.६ करोड कमाएको थियो। तेस्रो हप्तामा ‘हनुमान’ले २९.९५ करोड कमाएको छ। यो फिल्म अहिले रिलिजको चौथो हप्तामा छ।

‘हनुमान’ले रिलिजको चौथो शुक्रबार १.४५ करोड, चौथो शनिबार २.८५ करोड, चौथो आइतबार ४ करोड र चौथो सोमबार १.१८ करोड कमाएको छ। अब ‘हनुमान’ को रिलिजको चौथो मंगलबारको कमाइको प्रारम्भिक तथ्यांक आएको छ।

सैकनिल्कको प्रारम्भिक ट्रेड रिपोर्ट अनुसार,  हनुमानले चौथो मंगलबार अर्थात् रिलिजको २६ औं दिनमा १.१० करोड भारु कलेक्सन गरेको छ।

यो सँगै ‘हनुमान’को २६ दिनमा कुल कमाइ भारतमा १९०.९३ करोड पुगेको छ।

‘हनुमान’ देशमा मात्रै नभई विश्वभर बक्स अफिसमा हिट भएको छ। यो फिल्मले रिलिज भएको २६ दिन बितिसक्दा पनि विश्वभर करोडौं कलेक्सन गरिरहेको छ।

ट्रेड एनालिस्ट मनोबाला विजयबलनले  ‘हनुमान’को विश्वव्यापी कमाइको तथ्यांक साझा गरेकी छिन्, जसअनुसार तेजा सज्जाको फिल्मले रिलिज भएको २५ दिनमा विश्वभर ३०० करोडको आँकडा पार गरेको छ र यो सँगै ‘हनुमान’को कुल कलेक्सन अहिले ३००.२३ करोड पुगेको छ।

प्रकाशित मिति: बुधबार, माघ २४, २०८०

प्रतिक्रिया दिनुहोस्

थप समाचार

नवपथ संवाददाता
काठमाडौं, फागुन ८
नवपथ संवाददाता
मुम्बई, फागुन ६
नवपथ संवाददाता
काठमाडौं, फागुन ५