अष्ट्रेलियाले आइसिसी विश्वकप क्रिकेट २०२३ को फाइनलमा भारतलाई ६ विकेटले हराउँदै उपाधि जितेको छ।

ओपनर ट्रविस हेडको सानदार शतकको सहयोगमा अष्ट्रेलियाले भारतलाई हराएको हो।

जितको लागि २ ४१ रनको प्रतिस्पर्धात्मक लक्ष्य पछ्याएको अष्ट्रेलियाले ४३ ओभरमा ४ विकेट गुमाउँदै पूरा गर्‍यो।

अष्ट्रेलियालाई जिताउन ओपनर ट्रविस हेडले १२० बलमा १५ चौका र ४ छक्कासहित १३७ रनको सानदार शतकीय इनिङ खेलेका थिए। मार्नस लाबुसेन ११० बलमा ४ चौकासहित ५८ रनमा अविजित रहे।

एक समय ४७-३ को अवस्थामा पुगेको अष्ट्रेलियालाई च्याम्पियन बनाउन चौथो विकेटका लागि लाबुसेन र हेडले १ सय ९२ सानदार शतकीय साझेदारी गर्दै च्याम्पियन बनाए। टोलीलाई दुई रन चाहिँदा हेस आउट भएका थिए। ग्लेन म्याक्सवेलले विजयी २ तन जोडे।

ओपनर डेविड वार्नर मोहम्मद शामीको दोस्रो ओभरको पहिलो बलमै एज लागेर स्लिपमा विराट कोहलीबाट ७ रनमा क्याच आउट भएका थिए।

मिचेल मार्श जस्पित बुमराहको पाँचौ ओभरको तेस्रो बलमा १६ रनमा क्याच आउट भए। एज लागेर विकेटकिपर लोकेश राहुलबाट क्याच आउट भए। उनले १५ बलमा १ चौका र १ छक्का हाने।

त्यसअघि नरेन्द्र मोदी स्टेडियम अहमदाबादमा टस हारेर पहिला ब्याटिङको निम्तो पाएको भारत निर्धारित ५० ओभरमा २ ४० रनमा अल आउट भएको थियो।

भारतका लागी विकेटकिपर लोकेश राहुलले १०७ बलमा १ चौकासहित सर्वाधिक ६६ रन बनाएका थिए।  विराट कोहलीले ६३ बलमा ४ चौकासहित ५३ रन जोडेका थिए।

कप्तान रोहित शर्माले ३१ बलमा ४ चौका र ३ छक्कासहित ४७ रन बनाए। अन्य कुनै पनि ब्याटरले राम्रो गर्न सकेनन्।

भारतले लिगमा सबै खेल जितेको थियो। अष्ट्रेलियालाई भारतले ६ विकेटले हराएको थियो।

यसअघि सन्  १९८७, १९९९, २००३, २००७ र २०१५ मा अष्ट्रेलियाले उपाधि जितेको थियो। भारतले २०११ पछि उपाधि जित्न सकेको छैन।