बेलबारी नगरपालिकामा पर्ने बेतना सिमसार स्थानीय तथा बाह्य पर्यटकहरूका लागि गन्तव्य बनेको छ।

चारकोसे जंगलका मुखैमा र पूर्वपश्चिम राजमार्गसँग जोडिएको सिमसार क्षेत्र मनमोहक बन्दै गएको छ।

हरियाली जंगलनजिक रहेको तालमा डुंगा सयर गर्न, तालमा पालिका माछा हेर्न र चिडियाखानाकै शैलीमा संरक्षित वन्यजन्तुहरूको अवलोकन गर्न मानिसहरूको भिड लाग्ने गरेको छ।

यहाँ तस्बिर खिच्ने, टिकटक बनाउनेहरूको जमात पनि छुट्टै छ। पर्यटन वन तथा वातावरण मन्त्रालय कोसी प्रदेशले यस्ता पर्यटकीय गन्तव्यहरूको श्रीवृद्धिका लागि काम गरिरहेको जनाएको छ।

मुख्यमन्त्री हिक्मत कार्कीले पर्यटनले सरकारको राजश्व वृद्धिमा टेवा पुग्ने बताए। त्यसैले, पर्यटकीय गन्तव्यहरूलाई संरक्षण र विकास गर्दै यहाँका सम्भावनाहरूको उजागर गर्नुपर्ने बताए।